Nadigar Thilagam Sivaji Ganesan Part 9

[saradhaa_sn]

டியர் வாசுதேவன்,

'நடிகர்கள் திடீர் அரசியல் தலைவர்கள் ஆவது' பற்றிய விவாதத்தைத் துவக்கி வைத்து நடிகர்திலகம் அளித்த கருத்துக்கள் அடங்கிய 'முத்தாரம்' இதழின் அரிய பக்கங்களை தொகுத்தளித்தமைக்கு நன்றி.

நண்பர் சுப்புராஜ் சொன்னது போல, மக்கள் திலகம், நடிகர்திலகம், இலட்சிய நடிகர் போன்ற ஆழமான அரசியல் அடித்தளம் அமைந்த நடிகர்களுக்கு இத்தலைப்பு பொருந்தாது. எஸ்.எஸ்.ஆர். கூட பிற்காலத்தில் 'பசும்பொன் பேரவை'யோ ஏதோ ஒரு தலைப்பில் ஒரு இயக்கம் ஆரம்பித்து விட்டு பின்னர் அவரே அதை மறந்து விட்டார்.

அரிய ஆவணப்பதிவுகளை அளித்தமைக்கு நன்றி.

(பொம்மை இதழில் கூட 1976 வாக்கில், 'அரசியலில் நடிகனும் அவன் ஆற்றும் கடமையும்' என்ற தலைப்பில் நடிகர்திலகம் எழுதியிருந்தார். அக்கட்டுரையின் இடையிடையே 'நாம் பிறந்த மண்' படக்காட்சிகள் இடம்பெற்றிருந்தன).